Andrés Fernández
Vecín d’Argame, Morcín, Andrés Fernández ñació en setiembre del añu 2003 y anguaño cursa Estudios Clásicos y Románicos na Universidá d’Uviéu. Espublizó dellos rellatos n’El Comercio y foi amás collaborador de revistes como Formientu o Refuelgu. Arriendes d’ello ye habitual de la tertulia lliteraria L’Aruelu. Ganador del IV Concursu de Rellatos de Morcín en categoría xuvenil, con namás 17 años escribió la so primer novela, “1809: Cartes de la Revolución de Trubia”, yá publicada por Ediciones Radagast.
